[環保撚福音]
喺採礦採到用電腦挖掘虛擬貨幣嘅時代，電子產品新陳代謝所產生嘅廢物，成為咗另類嘅礦場 (e-waste mining) 。
事關喺廢棄嘅電子產品入面一樣蘊藏稀有金屬，單喺 2016 年被丟棄嘅 43 萬噸 (唔係部) 電話，就有價值 94 億歐元嘅貴金屬。
e-waste mining 「採礦」嘅成本只係傳統礦場嘅十三分之一，透過機械人自動化提取貴金屬，呢種採礦方法睇落大有前途。不過隨住生產商致力壓低電子產品嘅成本，愈新嘅產品，「含金量」就可能越愈低，呢個趨勢可能影響 e-mining 嘅成本效益。